పురా శకలం

పురాతన శకలాల కోసం
అక్షరాల్ని తవ్వు
గాయపడ్డ అక్షరాల్లో
ఏదో ఒకటి
తన గుండెను ఒలుచుకొని
నీలోకి ప్రవహిస్తుంది
ప్రవహించిన అక్షరాల్ని
ప్రేమగా పొడవుకొని
అక్కున చేర్చుకో
ప్రతిబింబమై
నీ ఎదురుగా నిలుస్తుంది
నీతో నువ్వు
సంభాషించే ప్రతి మాటా
ఒక పురా శకలమై
మనసు లోతుల్లో
యింకి పోతుంది
ఓ వానా కాలపు రాత్రి
శరీరం పై
తప్పక చెమ్మ దేరుతుంది
అది స్వేదం కాదు స్పృహ
తేమ కాదు స్పర్శ