మోసపోవడం
నన్ను నేను మోసగించుకోవడం
నాకు నిత్య కృత్యమైంది.
చరిత్ర పాఠాలు
నా తప్పతడుగుల్ని
ఎత్తి చూపుతున్నా
మళ్లి ఆ బాటలోకే
కాళ్ళు లాగుతుంటాయి
ఏ రహదారుల్లో
ఎన్నిసార్లు
మందు పాతరలై పేలినా
పాతర్లు లెక్కకొస్తున్నాయి కాని
అడుగు ముందుకు కదలడం లేదు
మంజీర నాదాల సాక్షిగా చాపిన చేతుల్లో
మరఫిరంగులున్నాయని
కౌగిలించుకున్న తరవాతే తెలిసింది
నేనేంటో
నా ఆనవాళ్లేన్టో తెలిసిన తరవాత
నిర్మూలించడం చాలా సులభమైంది
అడవి లోంచి అన్ని దారులు
రహదారులతో అనుసంధానమైనాక
ఏ చెట్టు నన్ను దాచుకోలేక పోతోంది
నా లోని ఒక్కో అవయవమూ
నెల రాలుతుంటే
కొత్త నెత్తురు తోడుక్కోవడానికి
ఋతువుల వెంట ఋతువులు మారిపోతున్నాయి
అడవి లోని అన్ని ఋతువులు
శిశిరాలైన తరువాత
తలదాచుకోవడానికి
ఏ చెట్టు తొర్రా ఆశ్రయ మివ్వడం లేదు
దగ్గరున్న ఒక్కో ఆయుధమూ
నిర్విర్యమవుటుంటే
కొత్త ఆయుధాల కోసం అన్వేషణ
తెగిపడుతున్న రెక్కల్ని అంటించుకోవడము
ప్రయాసే అవుతున్నది
---౦౦౦ ----
Saturday, November 14, 2009
Subscribe to:
Post Comments (Atom)
No comments:
Post a Comment